आढावा 2020

जानेवारी ते डिसेंबर 2020 ह्या वर्षभरातली ही शेवटची पोस्ट आहे. म्हणून वर्षभरात ‘पुन्हास्त्रीउवाच’मधून हाताळलेल्या विषयांचा थोडक्यात आढावा इथे मांडणार आहे. 

खरंतर ‘पुन्हास्त्रीउवाच’ ची सुरुवात मार्च 2019 मध्ये केली होती. त्यामुळे आमची वर्षपूर्ती मार्चमध्ये होते – असं देखील म्हणता येईल. तरीही डिसेंबरमध्ये हा आढावा मांडायचं कारण - मार्च 2021 मध्ये सुरू होणाऱ्या वर्षासाठी तुमच्याकडून काही सूचना हव्या आहेत. जानेवारीत जर सूचना मिळाल्या तर त्या मार्च पर्यन्तअमलात आणण्यासाठी नियोजन करता येईल.

‘पुन्हास्त्रीउवाच’ मध्ये विविध ताज्या घडामोडींच्या संदर्भात विशेषत: स्त्रीयांच्या दृष्टिकोनातून मांडलेले विचार, भावना आणि मतंमतांतरं वाचकांच्या पर्यन्त पोचवायचा प्रयत्न केला जातो. त्यासाठी लेख, कथा, कविता, व्यंगचित्रे, अनुभवकथन अशा निरनिराळ्या माध्यमांचा उपयोग करायची इच्छा असते. जरी अनेक मुद्यांविषयीचे लेख लिहिणारे लेखक जोडले गेले असले तरी स्त्रीवादी ललितसाहित्य मात्र फारसं मिळत नाही. येत्या वर्षात कथा, कविता यासारखं साहित्य ‘पुन्हास्त्रीउवाच’कडे पाठवावं अशी विनंती आहे. ले-आऊटच्या संदर्भातल्या काही सूचना असतील तरी अवश्य सांगा आणि स्त्रीवादी दृष्टिकोनातून लिहू शकणाऱ्या लेखक-लेखिकांची नावेदेखील सुचवा.
कृपया पुढे दिलेली जंत्री पाहून आणखी कोणकोणत्या विषयांच्या संदर्भात आणि कोणत्या स्वरूपात मांडणी व्हायला हवी, ते ‘पुन्हा स्त्रीउवाच’ला नक्की सांगा. तुमच्या सूचनांची वाट पाहत आहे.

 

आता जानेवारी 2021 मध्ये ‘शिक्षण आणि लिंगभाव’ या विषयावर भाऊसाहेब चासकर, सुजाता पाटील, सारिका उबाळे, प्रतिभा वाघ अशा अनेक अनुभवी शिक्षकांचे ज्ञानप्रक्रियेविषयीचे विचार आणि काही कविता घेऊन पुन्हा भेटू!

जानेवारी	‘लिंगभाव आणि विनोद’	26	लेख, व्यंगचित्रमालिका,  कविता आणि मुलाखती
मार्च	‘लिंगभाव आणि ओळख’(Gender & Identity)	21	लेख, कविता आणि मुलाखती
जून	पर्यावरण	4	लेख
जुलै	आरोग्य आणि लिंगभाव	8	करोनामुळे स्त्रियांच्या शारीरिक आणि मानसिक आरोग्यावर झालेले परिणाम,किशोरवईन मुलांच्या लैंगिक आरोग्यविषयी आणि ‘आशा’ कर्मचाऱ्यांचा संघर्षविषयी लेख डॉक्टर,
ऑगस्ट
सप्टेंबर	परिघावरची घालमेल	4	अपंग महिला, ट्रान्सजेंडर व्यक्ती, एकल महिला, आणि घरेलू कामगार महिला यांच्यावर करोनाच्या परिणामाविषयी लेख आणि अनुभवकथन
ऑक्टोबर	काही कायदे, जाहिराती आणि उजव्या शक्तींचे वाढते प्राबल्य	4	कृषी कायदे, संपत्ती कायदे, करोना काळातील जाहिराती यांचे स्त्रीयांच्या दृष्टिकोनातून विश्लेषण करणारे  लेख
नोव्हेंबर	पुरुषभान	19	पुरुषांचे करोना काळातील अनुभव,कविता, पुस्तक परिचय, ‘पुरुषदिना’विषयी पुरूषांचे विचार वेबसिरीज मधील पुरुषप्रतिमा आणि सणातील पुरुषप्रधानता यावर लेख
डिसेंबर	लव्हजिहाद आणि ‘शक्ती’ कायदा , तरुण मुलींना वाटणारी असुरक्षितता	4	लेख